குழந்தைகள் முதல் பெரியவர்கள் வரை அனைவரும் விரும்பி உண்ணும் தின்பண்டம் ஐஸ்கிரீம். வெண்ணிலா, சாக்லேட் எனப் பல வகையான ஐஸ்கிரீம்கள் உள்ள நிலையில் அவற்றிலிருந்து மாறுபட்ட மூலிகை ஐஸ்கிரீம் என்னும் புதிய வகையை நம் வைஸ்ய சமூகத்தை சேர்ந்த டாக்டர்.திரு.செஃப். குமரேசன் கோகுலநாதன் அவர்கள் கண்டுபிடித்து காப்புரிமையை பெற்றுள்ளார்.
சேலம் மாநகரை சேர்ந்த குமரேசன் அவர்கள் ஐஸ்கிரீம் வகைகளில் சாதனை புரிய வேண்டும் என முயற்சித்து முழுக்க முழுக்க ஆர்கானிக் பொருட்களை கொண்டு “ஹெர்பல் குல்ஃபி”யை தயாரித்துள்ளார்.
இவரின் “ஹெர்பல் குல்ஃபி” பெற்றோர்களுக்கு குறிப்பாக தாய்மார்களுக்கான ஒரு முக்கிய கண்டுபிடிப்பாகும். ஏனெனில் ஐஸ்கிரீமினால் குழந்தைகளுக்கு சளி, இருமல், காய்ச்சல் போன்ற உபாதைகள் ஏற்படும் வாய்ப்புள்ளது. இதை எதிர்கொள்ள மருந்தாக உட்கொள்ளும் வகையில் சுக்கு, மிளகு, திப்பிலி, அதிமதுரம், துளசி, புதினா மற்றும் தேன் போன்ற பாரம்பரிய ஆயுர்வேத பொருட்களை கொண்டு “ஹெர்பல் குல்ஃபி” தயாரிக்கப்பட்டுள்ளது. இவற்றின் மருத்துவ குணங்கள் உடலில் நோய் எதிர்ப்பு சக்தியை உண்டாக்கும்.
மேலும் தூய நாட்டு பசும்பால் மற்றும் பாதாம் போன்ற அடிப்படை பொருட்கள் உடலுக்கு தேவையான கால்சியம் மற்றும் புரதச் சத்தினை வழங்குவதால் எலும்புகள் வலுப்பெறும். இனிப்பு சுவைக்கு பயன்படுத்தியுள்ள மலைத் தேன் இரும்புச்சத்தினை அளிக்கிறது. வெள்ளை சர்க்கரை, பதப்படுத்தும் மற்றும் வேதிப் பொருட்கள் இதில் அறவே இல்லை.
எந்த வித பக்கவிளைவுகளையும் ஏற்படுத்தாத வகையில் மிகவும் ஆராய்ந்து தயாரிக்கப்பட்ட இந்த ஐஸ்கிரீம், செஃப். திரு. குமரேசன் கோகுல்நாதன் அவர்களின் இரண்டு வருட கடுமையான முயற்சிக்கு பிறகு, பல மருத்துவர்களின் மேற்பார்வையில் தரக்கட்டுப்பாடு செய்யப்பட்டு இந்திய அரசின் காப்புரிமையும் பெற்றுள்ளது.
மிக விரைவில் மக்களின் பயன்பாட்டிற்கு வரவிருக்கும் இந்த அற்புதமான மூலிகை ஐஸ்கிரீமை கண்டுபிடித்த செஃப். திரு. குமரேசன் கோகுல்நாதன் அவர்கள் மேலும் ஆர்கானிக் குக்கீஸ் மற்றும் பல ஐஸ்கிரீம் வகைகளை உருவாக்கும் முயற்சியில் ஈடுபட்டுள்ளார். அவர் மென்மேலும் உலக அளவில் பல சாதனைகள் புரிய வைஸ்ய மக்கள் சார்பாக வாழ்த்துக்கள்.
Kannikadhanam.com – Trusted Aryavysya Matrimony Website | WhatsApp your Horoscope here to Register: https://wa.me/+919944917638
VYSDOM for Aryavysyas இன் WhatsApp குழுவில் இணைய, இங்கே பதிவு செய்யவும்: VYSDOMWhatsApp
Click here and Join on Vysdom for Aryavysyas Facebook Group
