பொருளாதாரத்தில் பின்தங்கிய உயர் வகுப்பினருக்கு (EWS) கல்வி மற்றும் அரசு வேலை வாய்ப்புகளில் 10 சதவீதம் இடஒதுக்கீடு அளிக்கும் வகையில் கடந்த 2019-ம் ஆண்டில் நாடாளுமன்ற மக்களவையில் நிறைவேற்றப்பட்டது. இந்த இடஒதுக்கீட்டை விரைவில் அமல்படுத்த வேண்டும் என தமிழக மாநில அரசிற்கு தமிழ்நாடு ஆர்ய வைசிய மகா சபை தலைவர் திரு. ராமசுப்பிரமணியம் அவர்கள் கோரிக்கை வைத்துள்ளார்.
தமிழ்நாடு ஆர்ய வைசிய மகாசபாவின் சேலம் மாவட்ட நிர்வாகிகள் பதவியேற்பு விழா செவ்வாய்பேட்டை ஶ்ரீ வாசவி மஹாலில் நடைபெற்றது. இந்த நிகழ்விற்கு ஆர்ய வைசிய மகா சபை தலைவர் திரு. ராமசுப்பிரமணியம் அவர்கள் தலைமை வகித்தார். மாநில பொதுச்செயலாளர் திரு. சீனிவாசன், மாநில துணை தலைவர் திரு. நடராஜன் அவர்கள், மாநில பொருளாளர் குமரேசன் ஆகியோர் முன்னிலை வகித்தனர்.
பதவியேற்பு விழாவினை தொடர்ந்து, செய்தியாளர்களை சந்தித்த ஆர்ய வைசிய மகா சபை தலைவர் திரு. ராமசுப்பிரமணியம் அவர்கள் கூறியதாவது:
ஆர்ய வைசிய சமூகத்தில் நடுத்தர மக்கள் மற்றும் ஏழை மக்கள் அதிகம் உள்ளனர். பொருளாதாரத்தில் நலிவுற்ற பொதுப்பிரிவினருக்கு 10 சதவீத கல்வி மற்றும் வேலைவாய்ப்பில் இடஒதுக்கீடு செய்து மத்திய அரசு மூன்று ஆண்டுகளுக்கு முன்னரே சட்டம் கொண்டு வந்துள்ளது. இந்த சட்டம் மக்களவையில் நிறைவேற்றப்பட்டுள்ளது. இந்நிலையில் உச்ச நீதிமன்றமும் 10 சதவீத இடஒதுக்கீடு செல்லும் என அறிவித்துள்ளது.
இந்த இடஒதுக்கீடு செல்லாது என அறிவிக்கக்கோரி சில கட்சிகள் நீதிமன்றத்தில் வழக்கு தொடர நடவடிக்கை எடுத்து வருகின்றன. இதனை கைவிட வேண்டும். பொருளாதாரத்தில் நலிவுற்ற பொதுப்பிரிவினருக்கு மாநில அரசு 10 சதவீத இடஒதுக்கீட்டை அமல்படுத்த வேண்டும்.
மேலும், அனைத்து மாநிலங்களிலும் பல சமூகத்திற்கு வாரியம் உள்ளதை போல, தமிழகத்தில் ஆர்ய வைஸ்ய சமூகத்திற்கு நல வாரியம் அமைக்க வேண்டும் என்று கூறினார்.
இதுகுறித்து தமிழக முதல்வரையும், அனைத்து அரசியல் கட்சி தலைவர்களையும் விரைவில் சந்தித்து எங்கள் நிலைப்பாடு குறித்து எடுத்துரைக்கவுள்ளோம் என்றார்.
தமிழ்நாடு ஆர்ய வைஸ்ய மகா சபா தலைவரின் இம்முயற்சிக்கு வைஸ்ய சமூக மக்கள் அனைவரும் இணைந்து ஆதரவளிப்போம்! ஜெய் வாசவி!!
Kannikadhanam.com – Trusted Aryavysya Matrimony Website | WhatsApp your Horoscope here to Register: https://wa.me/+919944917638
VYSDOM for Aryavysyas இன் WhatsApp குழுவில் இணைய, இங்கே பதிவு செய்யவும்: VYSDOMWhatsApp
Click here and Join on Vysdom for Aryavysyas Facebook Group
