Vysyanism

ஆரிய வைசியர் வரலாறு – நாம் யார்? | பாலா வெங்கட்ராமன்

December 13, 2018

11374

கோமுட்டிகளுக்கும் ஜைனர்களுக்கும் என்ன சம்பந்தம்? என்பதை அறிந்து கொள்ள வேண்டும் என்றால்? அதற்கு நாம் ஆரியர்களா? திராவிடர்களா? என்பதை அறிய வேண்டும். அதற்குமுன் நாம் நம்முடைய முந்தைய வரலாறுகளை கொஞ்சம் தெரிந்து கொள்வோம்!

இதுவரை நாம் ஐரோப்பா நாட்டிலிருந்து வந்த ஒரு இனம் இந்தியாவிற்குள் நுழைந்து இந்திய மக்களின் வாழ்வாதாரத்தை பறித்தனர்! அவர்கள் நம் வாழ்வாதாரத்தை மட்டுமல்ல பாரத தேசத்தின் பூர்வீக பெருமைகளையும் தனதாக்கி கொண்டனர் என கண்டோம்.

உதாரணமாக பூர்வீகமாக இங்கு சிவாகமத்தின்படி பூசனை செய்து கொண்டிருந்த கோமுட்டிகளின் ஒரு சாரரான ஆரியவைசியர்களின் பூசனை செய்யும் உரிமையை பறித்து அவர்களை புலம் பெயர செய்தனர் என கண்டோம்.

உண்மையாக ஓர் இனம் இந்திய துணை கண்டத்திற்கு வந்து இங்கிருந்த மக்களின் வாழ்வுரிமை பறித்ததா..?

அந்த இனம் தான் ஆரியர்களா? அவர்கள் எங்கிருந்து வந்தனர்….? எந்த காலத்தில் வந்தனர் ? ஏன் வந்தனர்?

அப்படி அவர்கள் வந்திருந்தால் அவர்களின் வாரிசுகள் எங்கே…?

எல்லாவற்றிற்கும் விடை மற்றும் அதற்கான சான்றினை தேடி ஆராய்ந்தால் சரித்திரம் நமக்கு அருமையான சான்றுகளை தந்துவிட்டு சென்றிருக்கிறது.

யூதர்கள்

ஐரோப்பாவில் இருந்து ஒரு இனம் வந்ததற்கும் அவர்கள் ஆரியர்கள் என தன்னை அழைத்து கொண்டனர் என்பதற்கும், மேலும் அவர்கள் இங்கேயே தங்கிவிட்டனர் என்பதற்கும் அவர்களின் பரம்பரை டி.என்.ஏ சான்றாக உள்ளது.

ஆம்! இந்த ஆராய்ச்சி முடிவுகளை படிக்க டாக்டர் திருமதி.மினி கரியப்பா. இவர் கேரளா திருச்சூர் மருத்துவ கல்லூரி மருத்துவமனையில் மரபணுப் பிரிவு பேராசிரியர். இவர் 2001 முதல் 2005ம் ஆண்டு வரை மேற்கொண்ட மாபெரும் ஆராய்ச்சியில் சில இந்திய பிராமணர்கள் யூதர்களின் மரபணுக்களைக் கொண்டிருப்பது பதிவு செய்யப்பட்டிருக்கிறது.

இந்த ஆராய்ச்சிக்காக உலகின் மிகச் சிறந்த இளம் விஞ்ஞானிக்கான விருதும் அவருக்கு வழங்கப்பட்டது. அந்த பிராமணர்களின் பட்டியல்…!!!!

1) கேரள நம்பூதிரிகள்.

2) மராட்டிய சிட்பவன் பிராமணர்கள் (கோட்சே வகையறா).

3)துளு பிராமணர்கள்.

4)சிரியன் கிருத்துவர்கள்.

ஆக ஐரோப்பிய யூதர்களே இங்கு வந்து குடியேறிய ஆரிய இனத்தவர் என்பது தீர்மானமாகிறது.

ஐரோப்பிய யூதர்களால் பிராமண வாழ்வுரிமை பறிக்கப்பட்ட கோமுட்டி மக்கள், வணிகம் செய்தனர். அவர்கள் வணிகத்திற்காக பல நாடுகள் சென்றனர் என்றும் வரலாற்று ஆய்வுக்கான சான்றுகள் கிடைத்துள்ளது.

கிட்டதட்ட 2000 ஆண்டுகள் முன்னர் ஆப்ரிக்கா நாட்டில் ஒரு கடற்கரை வணிக நகரத்தில் பரத கண்டத்தில் இருந்து ஒரு வணிக கும்பல் வந்து குடியேறினர் எனும் வரலாறு ஒவியமாக வரையப்பட்டுள்ளது.

இதற்கான சான்றாக அந்த ஓவியம் இருக்குமிடம் ஆப்ரிக்கா நாட்டின் ஒரு நகரம்.அந்த நகரின் பெயர் கோமட்டி போர்ட் இந்த நகரத்தின் அருகில் உள்ள ஆற்றின் பெயர் கோமட்டி ஆறு, ஆக இங்கிருந்த கோமுட்டி மக்கள் உலகின் பல்வேறு இடங்களுக்கு வணிகத்தின் பொருட்டு சென்றுள்ளனர் என்பது புலனாகிறது.